Traditional Shetland lullaby. Harmony arrangement © Craig; Morgan; Robson
Da boatie sails an da boatie rowes
Dey set dir sails and dey hail dir towes
Hush a baa-baa, me peerie lamb,
Da faider is comin awa fae fram.
Da sheep dey baa, and da craas dey craa,
Dey flap dir wings an dey flee awa,
Hush a baa-baa, me peerie flee,
Aald Daa’ll be comin wi shalls ta dee.
Da burnie rins an da burnie rowes,
Da lambs dey dance ower da hedder-cowes
Hush a baa-baa, me treasure dear,
Dey’ll naebody hurt dee whin Mam is near.
Da laverick lifts and he sings tae aa,
Da Winter comes wi da caald an snaa,
Hush a baa-baa, me peerie flooer,
Lang willie is löin ahint da door.
Da mares dey böl an da kye comes hame,
We lay wis doon in da Gödie’s name,
Hush a baa-baa, me peerie ting,
He covers wis aa wi His holy wing.
Da boatie sails an da boatie rowes
Dey set dir sails and dey hail dir towes
Hush a baa-baa, me peerie lamb,
Da faider is comin awa fae fram.